أبو العبد كان يعمل امتحان إنكليزي الأستاذ سأله: أبو العبد كيف بتقول لواحد إنكليزي تعى لهون؟ أبو العبد: بسيطة ،أقول come here الأستاذ : برافو أبو العبد، وإسا كيف بتقول له روح لهناك ؟ أبو العبد : بسيطة بروح أنا لهناك وبقول له come here

أبو العبد وأبو صطيف سافروا مرة على نيس بفرنسا علشان يصطادوا سمك سالامون فرنساوي, سافروا بالطيارة واستأجروا ياخت على الكوت دازور وبعد حوالي اسبوعين رجعوا وما اصطادوا الا سمكة سالامون واحدة, أبو العبد : عجبك هيك يا ابو صطيف ... سمكة واحدة كلفتنا فوق العشر الاف دولار, أبو صطيف : عشرة الاف دولار .. الحمدالله اللي ما اصطادنا الا سمكة واحدة والا كان انخرب بيتنا....

ابو العبد وابو اصطيف وابو عنتر قاعدين بقهوة عمينشدوا بولادهم ........
ابو اصطيف : انا ابني مرة ظل 5 دقائق تحت المي
ابو عنتر : انا ابني مرة ظل 10 دقائق تحت المي
ابو العبد : انا من سنة اخذت ابني عالبحر . نزل تحت المي ولسا لهلق ما طلع ........

ام عبد لزوجها ابو عبد : جارنا كل ما طلع وكل ما فات على البيت بيبوس مرته, ايمتى بدك تصير جنتلمان وتعمل مثله...
ابو عبد : قولتك بتوافق....:

أبو العبد كان مرة معزوم على سهرة بقصر واحد مليونير كبير فوق الريح. وكان هالمليونير مربى عندو بمسبح القصر، مختلف أنواع وأشكال التماسيح.

بنص السهرة، عرض المليونير الكبير على المعازيم، مبلغ مليون دولار من المال، ليلي بيقدر يقطع البركة كلها سباحة بين التماسيح اللي مرباهن بالدلال ، او اذا ما بدو مال، تعهد يزوجو بنتو، ست الحسن والجمال.


وفجأة، ما لقى المدعوين الا أبو العبد بينط عالبركة وبيقطعها سباحة من أولها لآخرها بوقت قياسي.

المليونير والمدعوين اندهشوا من شجاعة أبو العبد النادرة، وبلش التصفيق من فجو غميق لأبو العبد اللي حيى بدوره جمعة النا س الساهرة

المليونير تقدم من أبو العبد وهناه وصافحو وشد كتير على ايديه. وخيرو بين انو يسلموا شيك بالمليون دولار أو انو يزوجو بنتو اللي متل القمر

بس ابو العبد من شهامتو اعتذر، وقللو للمليونير، انا منك ما بدي شي مع الشكر، لا بدي المليون تبعك ولا بدي كون عريس بنتك المنتظر. أنا بس بدي اعرف مين هيدا السافل يللي دفشني عالبركة، رح طق يا زلمي من القهر

ابو العبد راح عالمخفر حتى يبلغ عن مرته اللي صارلها اسبوعين مارجعت عالبيت...
اخذ ابنه الصغير عبد معه
الشرطي سأله : شو هي مواصفات زوجتك؟
رد أبوالعبد : طويلة, شقرا, أمورة, وعيونها خضر.
ولا ابنه عبد بيقاطعه وبيقول : بابا...بابا....هيدي مش مواصفات الماما
سكّته ابو العبد وقال له : اي اسكوت بركي بيجيبولنا واحدة أحلى منها :1: ...!

محشش ليله عرسه مالقى موضوع يحكي فيه قام سأل عروسته هلا اهلك بيعرفو انك هون

لبناني سكن جنب قروي ...
جاء القروي له وقال: أقول ياجارنا ترى فنجال قهوتك عندنا....

قال اللبناني: إيوه.. إيوه يمكن واحد من البزورة رماه عليكم وإلا شي!

إثنين بالباص بدهم يعملو حالهم أجانب !!
هو : Don't push i will push
الترجمة : ماتدفع أنا بدفع
صاحبو : ya man not between us
الترجمة : يازلمة مو بيناتنا
هو : no no ,, my neck is plug
الترجمة : لا لا رقبتي سدادة
صاحبو : don't carry me beautiful
الترجمة : ماتحملني جميلة
هو بعصبية : Download me here !!
الترجمة : نزلني هووون

ابو العبد قرر يترشح لرئاسة الجمهورية ..........ولما راح على وزارة الداخلية تا يقدم طلب الترشيح ...........قلو الظابط : شو انت مجنون ؟.........................
فقلو ابو العبد : ليش هيدا شرط ضروري؟؟؟؟

ابو صطيف شاف ابو عبد بعد كام يوم من جوازه....قام قله ها شو الاخبار عملت شي.....ابو العبد: لا يا زلمة استحيت اصله اخوها صاحبي الروح بالروح
'

'ابوعبد وهو عم بيموت اتطلّع بمرته نظرة كلها رومانسية وقالها : "انا لما انطردت من شغلي كنتي معي...ولما فلست كمان كنتي طول الوقت معي....ولما وقعت ومرضت كنتي واقفة جنبي..."
وهلق وانا على فراش الموت كمان جنبي, وقام ومسك ايدها بحنية وقالها : "مش عارف ليش حاسيس انك نحس..."

صطيف ابنه لأبو صطيف كان معوده أبوه لما بدو يروح على الحمام كان يقول : بدي صوفر.....
مرة أبو صطيف أضطر يسافر وترك ابنه صطيف عند ابو العبد
بنص الليل قام صطيف يصحي أبو العبد ويقول له : عمو...عمو
قام أبوالعبد مزعوج : شو بدك وليه.....
عمو...عمو....بدي صوفر.....
أبو العبد : شو عمتقول بدك تصوفر الساعة ثلاثة الصبح؟
نقبر روح نام ولا أحسن ما قوم أضربك :...
الولد صار يبكي ويصرخ بصوت عالي : بدي صوفر..بدي صوفر
بالآخر أبوالعبد زهق منه وقام قال له : بدك تصوفر صوفر بس...
بس صوفر بصوت واطي وماتخلي حدا يسمعك....
صطيف : حاضر عمو....وين بدي صوفر؟
أبو العبد : بدينتي (أذني)......وماتخلي حدا يسمعك...!!

ﻣﺤﺸﺸﺔ ﻋﺎﻧﺲ
ﻗﺎﻟﺖ ﻳﺎ ﺭﺏ ﺗﺸﺘﻲ ﺍﻟﺪﻧﻴﺎ ﺭﺟﺎﻝ ،،
ﻃﻠﻌﺖ ﻭﺭﺍﻫﺎ ﺷﺎﻓﺖ ﻭﻟﺪ ﺻﻐﻴﺮ ،،
|
|
|
|
|
|
ﻗﺎﻟﺖ ﺍﻟﺤﻤﺪﻟﻠﻪ ﺑﻠﺸﺖ ﺗﻨﻘﻂ

'أبو عبد مسطل ع الاخر وقف ابو صطيف وسأله:قولي بحياة أبوك....الرصيف التاني وين؟؟؟؟
أبو صطيف:هونيك ع الناحية التانية ....أبو عبد: اولاد الكلب قبل شوي كنت هونيك وقالوي انه هون

أبو العبد كان راكب دراجة جديدة، التقى بصاحبه أبو صطيف أبو صطيف: مبروك الدراجة الجديدة يا أبو العبد .... وينتا إشتريتها؟ أبو العبد: مبارح وأنا راجع عالبيت بالليل وقفتني واحدة ست كانت راكبة على الدراجة، قامت حطت ثيابها عجنب وقالتلي: قرب يا أبو العبد خود اللي بدك اياه ما تستحي؟ رحت أنا أخدت الدراجة ، قلت لحالي شو بدي أعمل بثيابها؟؟

زلمي عم بحتضر وحوليه اولاده ، بحكيلهن:
الك يا ابني الكبير بعطيك الحارة اللي على شط البحر
الك يا ابني الاوسط بعطيك حارة الجبل
والك يا بنتي بعطيكي عمارات الدير

سمعتهن الممرضة وحكت لمرته - شو باين عليكو ناس اغنياء كثير ...
ضحكت الزوجة وحكتلها - هذا زوجي بوزع جرايد وهذول حارات التوزيع !

أبو العبد وابو صطيف كانوا بيوم راجعين بآخر الليل سكرانين وقفهم الشرطي وسأل أبو صطيف: اسمك وعنوانك؟ ابو صطيف : أنا اسمي ابو صطيف، بس ناسي وين ساكن أبو العبد: وأنا اسمي أبو العبد، ساكن بالبيت اللي جنب بيت أبو صطيف.

معلومة طبية:
كمية الكھرباء التي تسري داخل الجسد حين يضرب كوعك بطرف الباب
كافية لتشغيل 6 حارات

خمس لبنانيين راحو الجامع علشان يصلوا ... في وسط الصلاة واحد منهم عطس قال الحمد لله
رد عليه إلي جنبه يرحمكم الله
قال الثالث ما تحكو في الصلاة...
قال الرابع للمعلومية صلاتكم إنتو التلاتة باطلة
قال الخامس الحمد لله انا ما حكيت شي

اثنين مسيحيين واحد اسمه جورج والثاني اسمه ميشيل تاهوا فى الصحرا وذبحهم الجوع والعطش فجأه لقوا مسجد.
قال ميشيل لجورج:
انا بقول لهم ان اسمي محمد عشان يعطوني أكل ومويه و يكرموني!
جورج قال: لا يا عم. انا بقول اسمي جورج واللي يصير يصير!

شافهم شيخ المسجد وسألهم عن اساميهم قال ميشيل انا اسمي محمد
وجورج قال اسمي جورج.

فقال الشيخ أعطو جورج أي شي ياكله.
وانت يا محمد زي ما تعرف نحن في شهر رمضان !!!

'ابو العبد كان عم يسوق الموتوسيكل وعمل حادث
اخدوا على المستشفى
ابو صطيف و شباب قهوة القزاز راحوا يزوروه
ابو صطيف : شو يا ابو العبد كيف صار الحادث ؟
يا خيي ابو صطيف كنت عم سوق الموتوسيكل مبارح بالليل
شفت ضوء موتوسيكلين جايين قدامي
قلت لحالي : خليني مر بينهم
طلع في واحد تالت بالنص ابن الابالسة مطفي ضوه !!

أبو العبد عم يشتغل شوفير تكسي،
طلعت معه مدام ... لابسة أسود
سألها أبو العبد: خير إنشالله يا مدام ليش لابسة أسود؟
ردت الحلوة: بعيد عنك... زوجي مات.
قالها أبو العبد: وقديش بدك لتشلحي الأسود؟
قالت الحلوة: 150 دولار، المرحوم غالي...........

صحافية سألت ابو العبد : شو نسبة البطالة بلبنان ؟؟؟؟؟؟؟؟؟
ابو العبد : ما بعرف بالزبط بس اللبنانية كلن ابطال .........

ابو العبد كان ماشي بجنازة ام العبد ! و بيضحك !!
ابو صطيف : معقولي يا ابو العبد في حدا بيضحك هيك بجنازة مرتو ؟؟
رد ابو العبد : اي ... مش قليلة صارلي 30 سنة متجوزها وهي اول مرة اعرف رايحة وين