بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟

في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة

واحد ماشي في الطريق و عنده بيحــو القي واحد عنده مكسمة امشي قاله
شنو رايك انديرو افاري ,,قاله صاحب المكسمة تي شنو تحسابني خروف انبدل
مكسمة بي بيجــو ,,قاله صاحب البيجــو هادي فيها سر امشي اضرب على
الكوفني اطلع مارد قاله برا جيب شاهي و كاكوية... امشي صاحب المسكمة
افرح ,, بدلو لي بعضهم,, روح صاحب المكسمة بالبيجـو قالوله اهله يا
مهبول اتبدل مكسمة بالبيــجو ,,,قاللهم هادي فيها سر اشرب على الكيفنو
جاه المارد قاله جيبلي 2 ليبو ز 1 مكسمة ,,قاله المارد أسف اختصاصي
شاهي و كاوكية بس

مرة في واحد أهبل يحط في بوه في القبر و يضحك قالوله خيرك قاللهم ذكرني بالبورديم

كان طبيب يعالج مريضه قال له: لدي لك خبران جيد وسيء. فسأل المريض: فما الجيد؟ فأجابه:ستموت بعد يومين. قال المريض: يا إلهي فما السيء؟ فأجابه الطبيب: كان يجب أن أقول تلك الخبرية البارحة

الولد لأبنه: نسكّر التلفزيون ؟ ... الإبن : لا لا .. خليه مردود

مرة كلب ينبح جاه انهيار عصبي اعلاش .. ينبح على واحد مايسمعش هههه

واحد تعرف على بنت قاللها شنى اسمك قتله -وعد- قاللها والله مانى مقايل لواحد

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

في فصل كله حمير و اغبياء ,, امشي قالت الابلة من ايقولي جملـــة
اسمية,,,ناض الفلتة فيهم على اساس
قال لها ( البـــكندا يشرب الشاي) قال له شاطر قمعز
امشي قالت من ايقول جملة تانية ناض نفس الطالب
قال لها: البـــكندا يشرب الشاي ) ,, قالت تي مش قلتها توا هادي
قاللها لالا هادي الطاسة الثــانيــة

واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة

واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

واحد فضولي قالوله اترك الفضول نعطوك نص عيماره قاللهم النص الاخر لمن

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة

قمة الوفاء: نملة تزوجت فيل ولما مات قعدت طول عمرها تدفن فيه

قالك مرة فى ثلاتة أغبياء يلعبو فى السريع اللى تضربه سيارة مرتين يطلع

غبي امشي يحجز في الطيران سأل الموظف قاله: رحلت طرابلس القاهره كم تستغرق قاله لحظه قاله شكرا

مرة واحد قال لصاحبه انا كنت جالس في البلكونة طاحت اعليا بحلوحه .. قال: صاحبه شن معنى البلكونه

مرة غبي ماشى هو وصاحبته قالتله حى بابا ! قاللها ارزنى توا انقوله اختى !؟

واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه

مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول