الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.

الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له برة غادي بالإنجليزي ؟ .. الثاني :
نمشي غادي ونقول له "كم هير".

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

في واحد ناض من النوم القي ايده زرقاء امشي للدكتور ,, قاله هدا ورم
خبيث لازم انقصو ايدك ,, قاله باهي.. امشي الدكتور قصله ايده
تاني يوم ناض الراجل الي رقبته زرقاء ,, امشي للدكتور نفسه ,,, قاله
لازم انقص رقبتك .. قاله الراجل شنو هوا تي برا يا راجل,, امشي قال احسن
برنامج نمشي انعالج برا خيرلي ,, امشي سافر برا امشي للدكتور .. قاله
نوضت من النوم القيت رقبتي زرقاء شافه الدكتور ,, قاله برا اغسل
رقبتك .. طالــقة عليها رقبة السورية

واحد تعرف على بنت قاللها شنى اسمك قتله -وعد- قاللها والله مانى مقايل لواحد

الطفلة تسأل أمها: ماما..علاش العروسة تلبس قفطان أبيض في العرس؟الأم:لأنها خاشة على دنيا جديدة كلها بيضاء..الطفلة:أها..وأني نقول علاش العريس يلبس في بدلة سوداء؟

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.

في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

عالم كيمياء.. جاه ولد سماه ســـــــــــامي أكسيد الكربون.

الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.

فيه واحد رافع بامبلة غاز ومشي ايقول لامه ادعيلي عالصبح..قالتله ان شاء الله ربي يفتحها فى وجهك يا قادر يا كريم

قالك مرة فيه جماعة من مدينة غير ساحلية قالوا بنمشوا زردة للبحر ... هم مجموعة ولكن واحد منهم عنده مشكلة في لسانه (يعني وتوات) ...؟
الوتوات هذا معاه لفلوس متاع الزردة .. المهم في الطريق وهم ماشيين قاللهم
- " ان ن ن ان نن ان ان ان ان ان "
- " خيرك ياراجل قول شن فيه"
- " أن ننن أن ان ان ان ننننن"
- " إيه علينا عاد .. قول شن فيه ..."
المهم صاحبنا هوه أيونون لين وصلوا الشط .. بعدما نزلوا البضاعة .. قاللهم
= " ان ان ان انسيت لفلوس في الحوش"
- " وااااك علينا .. ليش ياراجل ماقلتش من الأول .. هكي تدير فينا "؟
المهم الجماعة رجعوا وفي الطريق قعد ايقوللهم
- " اننن اننن نننن ننن ننن نن نن "
- " لاحول ولا قوة إلا بالله ... قول يراجل .. شن فيه وانت اتوتوت .."
- " انن نن ننن نن ننن "
- " إيه علينا عاد ... أنطقها هالجوهرة "
المهم الجماعة وصلوا مدينتهم وهو قاعد أنن أأنن ننن
لما وصلوا منازلهم ونزلوا من السيارة قاللهم
" انن انن انن انن انبصر عليكم "!!!!!!؟

مرة واحد واقف على كبري المشاة ايقول تلاته وتلاتين تلاته وتلاتين فواحد ماشي قاله علاش هكي اتقول امشي حدفه وقال اربعة وتلاتين اربعة وتلاتين

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

واحد سكران طينة امعكس في الشارع في الليل القي سوادني شاد شكاير
كناسة قاله ربي ايصون

واحد اتصل بزوجته وقاللها انا ربحت المليون جهزي شنطتك بسرعة قتله: الزوجة نرفع معاي حوايج الصيف ولا الشتاء قاللها ارفعي اللي تبيه،المهم مانشوفكش في الحوش لمانرجع

الولد لأبنه: نسكّر التلفزيون ؟ ... الإبن : لا لا .. خليه مردود

ذهب رجل إلى مطعم, وعندما سأله النادل: هل تريد عشاء كامل؟ أجابه الرجل: وهل كامل لا يريد العشاء

غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)

وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة

في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى