فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟

واحد اشري سرير جديد ارقد تحته اعلاش؟ لانه ميكانيكي

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله عوجه وخليه

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق

مره بخيل وولده وقفوا تاكسي.قاله:كم ترفعنا للحوش قال السواق:3 دينار البخيل قال: ولدي..قاله السواق بلبلاش قاله البخيل خلاص ارفع ولدي بس

واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة

نذل يصب لأبوه قهوه قاله بوه شن آخر أخبار النذاله قاله نص القهوه ديتول….

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

مرة واحد قال لصاحبه انا كنت جالس في البلكونة طاحت اعليا بحلوحه .. قال: صاحبه شن معنى البلكونه

واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

كان طبيب يعالج مريضه قال له: لدي لك خبران جيد وسيء. فسأل المريض: فما الجيد؟ فأجابه:ستموت بعد يومين. قال المريض: يا إلهي فما السيء؟ فأجابه الطبيب: كان يجب أن أقول تلك الخبرية البارحة

في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

في شيباني ليبي امشي من سيربح المليــون امش سأله جورج قرداحي قاله من جاي معاك الشيباني قاله أمـــي امشي جورج قرداحي قاله عنــجد أمـــك,يعني بجديات.قاله الشيباني عنجـــد بـــــوك

الطفل: بابا علاش أنتا أصلع؟ .. الأب: لأن الصلعة دليل الذكاء يا
حبيبي .. الطفل: توا فهمت علاش ماما شعرها طويل.

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

غبي امشي يحجز في الطيران سأل الموظف قاله: رحلت طرابلس القاهره كم تستغرق قاله لحظه قاله شكرا

واحد سأل واحد متعفلق: شن انواع المبارد؟ قاله المتعفلق: مبرد ناعم… ومبرد خشن… ومبرد وجهك