الطفلة تسأل أمها: ماما..علاش العروسة تلبس قفطان أبيض في العرس؟الأم:لأنها خاشة على دنيا جديدة كلها بيضاء..الطفلة:أها..وأني نقول علاش العريس يلبس في بدلة سوداء؟

عالم كيمياء.. جاه ولد سماه ســـــــــــامي أكسيد الكربون.

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

خانب خش لحوش ولما بدا يخنب فاق بيه مولى الحوش ومرته .. الخانب جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدا يخنب .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش خيرك تضحك؟ .. الزوج : اسكتي .. من أمبكري نطلع في رجلي منالدورة وهوا مش زابطني

واحد يبي يتزوج قال لامه نبيها بيضة وطويلة وتخدم جابتله ثلاجة

قالك مرة فيه جماعة من مدينة غير ساحلية قالوا بنمشوا زردة للبحر ... هم مجموعة ولكن واحد منهم عنده مشكلة في لسانه (يعني وتوات) ...؟
الوتوات هذا معاه لفلوس متاع الزردة .. المهم في الطريق وهم ماشيين قاللهم
- " ان ن ن ان نن ان ان ان ان ان "
- " خيرك ياراجل قول شن فيه"
- " أن ننن أن ان ان ان ننننن"
- " إيه علينا عاد .. قول شن فيه ..."
المهم صاحبنا هوه أيونون لين وصلوا الشط .. بعدما نزلوا البضاعة .. قاللهم
= " ان ان ان انسيت لفلوس في الحوش"
- " وااااك علينا .. ليش ياراجل ماقلتش من الأول .. هكي تدير فينا "؟
المهم الجماعة رجعوا وفي الطريق قعد ايقوللهم
- " اننن اننن نننن ننن ننن نن نن "
- " لاحول ولا قوة إلا بالله ... قول يراجل .. شن فيه وانت اتوتوت .."
- " انن نن ننن نن ننن "
- " إيه علينا عاد ... أنطقها هالجوهرة "
المهم الجماعة وصلوا مدينتهم وهو قاعد أنن أأنن ننن
لما وصلوا منازلهم ونزلوا من السيارة قاللهم
" انن انن انن انن انبصر عليكم "!!!!!!؟

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة

واحد امشي للدكان قاله و النبي صرفلي الدينار اربعة ارباع ,, قاله
ارباع ,, برا تو تلقاهم تحت الكوبري

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!

في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه

واحد بنا حوشه بشكل دائري باش مرته ما تقولش حابسني بين أربع حيوط.

مرة واحد قالوله البحر غدار عدى وشال معه مسدس

واحد خواف هلبا طلعله جني في الليل وهو مش حافظ شي من القرأن..قال:طلع البدر علينا

واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها

قالك في شيباني ,, بيشري سيارة ,, قالو له احسن حاجــة اشري مكسمـة ,,مش عادية بكل ثلاثيـن حصـان ,, اطير طيـران ,, المهم عمك الحويج خاطم في الطريق ,, و يلقى قدامـه صور و ايخش فيه ,, اتلقطوا عليه الناس ,, خير يا حويج لاباس شن صار ,, انزل من السيارة ايعيط الحويج ,, خزيه الشعب الكذاب ,, قالك ثلاثين حصـان ,, ما نقزش منهم و لا حصــان

واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له "ربي يعاون والعقبة لينا".

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

مرة واحد واقف على كبري المشاة ايقول تلاته وتلاتين تلاته وتلاتين فواحد ماشي قاله علاش هكي اتقول امشي حدفه وقال اربعة وتلاتين اربعة وتلاتين

مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.

قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله عوجه وخليه

عجوز مشت للمستشفى مع ولدها.كشف عليها الطبيب وقال لولدها:أمك تعاني من الوحده.ولازم تزوجها حد عمره خمسين.وهم طالعين تقوله امه:الله يعينك.لو مالقيت حد عمره خمسين.جيب اثنين من بو خمسةوعشرين.

واحد مشي يزور في خالته خضرا لقاها يابسة.