مرة واحد قالوله البحر غدار عدى وشال معه مسدس

واحد تعرف على بنت قاللها شنى اسمك قتله -وعد- قاللها والله مانى مقايل لواحد

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

في مرة من المرات سال طفل صاحب سوبر ماركت هل عندك سكر؟ قال البائع: نعم عندي سكر قال الطفل: ربنا يشفيك.

في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شاديتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك

في بو بريس خاطم القي فهد ابدي ايسب فيه .. قال له الفهد تي برا يا
بوريس اعقابها حتى انت ,, امشي قاله كانك راجل تعال وراء الشجرة ,,
امشي شده طاق طيق اطلع الفهد من غير عيون,, شافه النمر قاله خيرك ,,
قاله بوبريس دارلي هكي ,, قاله بوبريس تي وينه ,, جي البوبريس للنمر
قاله كانك راجل حتى انت اطلع وراء الشجرة ,, اعلق عليه وراء الشجرة طاق
طيق ,, اطلع النمر حاله ,, شافهم الاسد قاللهم تي خيركم,, قالوله
بوبريس ,, قاللهم بوبريس دار فيكم هكي تي وينه,, جاه البوبريس قاله حتى
انت يا اسد كانك راجل اطلع وراء الشجرة
جاه وراء الشجرة ,, امشي البوبريس ايقول للتمساح الي وراء الشجرة حتى
هدا يا ولد عمي حتى هدا معاهم

فيه واحد رافع بامبلة غاز ومشي ايقول لامه ادعيلي عالصبح..قالتله ان شاء الله ربي يفتحها فى وجهك يا قادر يا كريم

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

واحد مشترك في من سيربح المليون .. ولما وصل في سؤال صعب طلب يتصل
بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف
إجابتين أو ناخذ راي الجمهور؟.

قالك واحد عند ولد اسمه عار والتاني فضيحه والبنت اسمها طريحه جي واحد اسمه رمضان بيخطب البنت امشي الراجل بضبح علي ولاده قاللهم يا عار يا فضيحه رمضان يبي طريحه

مره في اثنين شبحوا خيمه وسرب ضئ الاول قال هدا عرس والتاني قال عزئ المهم عرس عزئ عرس عزئ المهم جاهم واحد احرف منهم قاللهم هدا عرس واحد ميت

في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان حنبي
ما اقدرتــــش انطلعها النعـــــجة

المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.

سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل

القاضي للمتهم: خلي إجابتك كلها شفوي .. أمتى آخر مرة شفت المجني عليه
المتهم : شفوي !!.

مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

الطفل للأستاذ: هل تعاقبني على عمل ما درتاش؟ .. الأستاذ: بالطبع لا!!
الطفل: امالا راني ما درتش الواجب.

واحد نذل موجود في غرفة الانعاش وصى اولاده ايكونوا انذل منه .. فمشوا قطعوا اعليه انبوبة الاكسجين

الأستاذ يسأل:أعطوني اسم حيوان يطير؟الطالب :الفيل ياأسـتاذ!!الأستاذ: شن هالغباء, شن يشتغل بوك؟ الطالب: في المخابرات أستاذ. الأستاذ:مش مشكله الفيل ممكن يطير إذا شد حيله

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة

فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة

مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص

طالب طلع من الاختبار أول واحد اعلاش ؟ على خاطر بوه قاله نبيك تطلع الأول.