واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

شخص بارد جداً تزوج مراة بارده جداً جابوا ولد ابرد منهم دار روحه ميت

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

قالك مرة واحد تضرب فيه مرته مشي لصحابه قالوله لما تضربك ما تسكتلهاش قاللهم حتى انا مش ساكتلها هيا تضرب و انا انعيط

مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

فى زقرلو"صرصور" مشى لزقرلو في المستشفى قاله ان شاء الله لا باس قاله لا والله شى غير خلعة شبشب

قالك في شيباني ,, بيشري سيارة ,, قالو له احسن حاجــة اشري مكسمـة ,,مش عادية بكل ثلاثيـن حصـان ,, اطير طيـران ,, المهم عمك الحويج خاطم في الطريق ,, و يلقى قدامـه صور و ايخش فيه ,, اتلقطوا عليه الناس ,, خير يا حويج لاباس شن صار ,, انزل من السيارة ايعيط الحويج ,, خزيه الشعب الكذاب ,, قالك ثلاثين حصـان ,, ما نقزش منهم و لا حصــان

واحد قال لمرته اليوم نبي رومانسية ..امشيت لامها قالتلها:شن هيا الرومانسية الام:مش عارفه بس نقعي الرز على الاحتياط

وحدة يابانية مشت للعمل و خلت ولدها عند جارتها الليبية مشي الولد قعد ايعيط ما عرفتكش كيف اتسكته قالتله( داوو - سونى - جي في سي ) امك عدت توا تجي

· مرة واحد بيدير ريجيم وصاه الدكتور يمشي لمدة 15 اليوم على رجليه بعد اسبوعين اتصل بالدكتور قاله انا على حدود السعودية انكمل ولا انروح

واحد مشي يزور في خالته خضرا لقاها يابسة.

في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين

فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة

واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه

في طالب قالت له الابلة جيب بــوك .. امشي جي بوه قال لي الابلة خيره
ولدي ,, قالت له ولد خروف غبي ما يعرف شي,., قال لها
كيف ولد ذكي ,, قالت نسأله سؤال كان جاوب ولدك ذكي ,, قالت للولد برا
دور عليا لوطى ,, امشي الولد دور دور و ارجع،،ـ قاللها يا ابلة دورت
عليك في المسرح و حجرة المدرسات ما القيتكش ,, اتلفت له بوه و يضربه
كف .. قال له تي برا شوفها في الادارة يا حمــــار

غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو

عجوز مشت للمستشفى مع ولدها.كشف عليها الطبيب وقال لولدها:أمك تعاني من الوحده.ولازم تزوجها حد عمره خمسين.وهم طالعين تقوله امه:الله يعينك.لو مالقيت حد عمره خمسين.جيب اثنين من بو خمسةوعشرين.

غبي امشي يحجز في الطيران سأل الموظف قاله: رحلت طرابلس القاهره كم تستغرق قاله لحظه قاله شكرا

في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

قالك مرة فى زوز مساطيل شبحو ارنب , الاول قاله الارنب هدا ذكر والا ا نتايا .. رد عليه التاني كان جرى ذكر وكان جرت ا نتايا