مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.

واحد مسطول يزوق في حوشهم , خش عليه بوه قاله فرش جرايد تحتك يا ولدي, قاله عادي يابوي حتى هكي نلحق .؟

مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

واحـــد قتله الابلة ارسم فيل امشي ارسملها نقطة قتله وين الفيـــل يا
فرخ ..قاللها ما اتشوفيش فيه جاي من بعيد

الأب : هل أخذتم الضرب في الحساب… الابن: نعم يا أبي وفي الجغرافيا أيضاً.

مرة فيه واحد سكر راسه على صوابع خوه

قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

واحد تعرف على بنت قاللها شنى اسمك قتله -وعد- قاللها والله مانى مقايل لواحد

مرة ولد ايكلم في بوه: يابوي الرخصة انتهت… قال: هذا من كثرت الدوران في الشوارع

الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له برة غادي بالإنجليزي ؟ .. الثاني :
نمشي غادي ونقول له "كم هير".

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي

واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه

واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة

شخص نادر تزوج امرأة نادرة .. جابوا ولد مهدد بالانقراض ..

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار

مره في اثنين شبحوا خيمه وسرب ضئ الاول قال هدا عرس والتاني قال عزئ المهم عرس عزئ عرس عزئ المهم جاهم واحد احرف منهم قاللهم هدا عرس واحد ميت

واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها

الطفل للأستاذ: هل تعاقبني على عمل ما درتاش؟ .. الأستاذ: بالطبع لا!!
الطفل: امالا راني ما درتش الواجب.

مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك

في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها