المعلم مامعنى كلمة سبيل رد التلميذ طريق قال له المعلم شاطر وسلسبيل قال له طرطريق

مرة فيه واحد سكر راسه على صوابع خوه

الطفل: بابا علاش أنتا أصلع؟ .. الأب: لأن الصلعة دليل الذكاء يا
حبيبي .. الطفل: توا فهمت علاش ماما شعرها طويل.

واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

مرة واحد قالوله البحر غدار عدى وشال معه مسدس

غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.

قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة

فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة

في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان حنبي
ما اقدرتــــش انطلعها النعـــــجة

مره الام قالت لولدها ايصلحلها الكرسي وقالتله:ياولدي رد بالك من القدومه خير ما ضرك.. فقاللها:ماتخافيش ياامي على خاطر اختي هي الي اتشد في المسامير

شخص نادر تزوج امرأة نادرة .. جابوا ولد مهدد بالانقراض ..

في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة

غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.

الولد لأبنه: نسكّر التلفزيون ؟ ... الإبن : لا لا .. خليه مردود

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه

مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

مرة واحد واقف على كبري المشاة ايقول تلاته وتلاتين تلاته وتلاتين فواحد ماشي قاله علاش هكي اتقول امشي حدفه وقال اربعة وتلاتين اربعة وتلاتين

سأل المعلم تلاميذه: ما هي أخوات ان؟ فأجاب احدالتلاميذ :إن وأن ولعل وليت وكيت. فقال المعلم مستغربا: ومن أين كيت هذه؟ فاجاب التلميذ: من اخوات ان ولكن من أم أخرى.

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول