مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

مرة واحد سئله صاحبة قاله شن رائيك في السعادة ؟ قاله أحسن جلاطي في ليبيا

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!

واحد تعرف على بنت قاللها شنى اسمك قتله -وعد- قاللها والله مانى مقايل لواحد

قالك مرة واحد تضرب فيه مرته مشي لصحابه قالوله لما تضربك ما تسكتلهاش قاللهم حتى انا مش ساكتلها هيا تضرب و انا انعيط

شخص بارد جداً تزوج مراة بارده جداً جابوا ولد ابرد منهم دار روحه ميت

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه

أعمى أجرى عملية ناجحة لعيونه .. ولما بدي يشوف انشل من الفرحه

في فصل كله حمير و اغبياء ,, امشي قالت الابلة من ايقولي جملـــة
اسمية,,,ناض الفلتة فيهم على اساس
قال لها ( البـــكندا يشرب الشاي) قال له شاطر قمعز
امشي قالت من ايقول جملة تانية ناض نفس الطالب
قال لها: البـــكندا يشرب الشاي ) ,, قالت تي مش قلتها توا هادي
قاللها لالا هادي الطاسة الثــانيــة

قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه

في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني

ماتت جارية لرجل ، فلما دفنها قال : لقد كنت تقومين بحقوقي ولم أكافئك .. اشهدوا علي أنها حرة لوجه الله

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

أثنين طرش ساكنين مقابلين بعض .. الأول طالع من حوشه وشاد في أيده
بندقية والثاني طالع من حوشه وشاد في أيده بندقية .. الأول: أنتا ماشي تبي
تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

واحد.. فضولي شاف حادث قللهم وسعوا إنا بوأ الميت !ولما وسعوله طلع الميت حمار

في واحد ترهوني امشي لي طرابلي القي خلاط امتع عصير قامه و اقعد يفحص
فيه ما يعرفاش شنو هوا قال و الله لما نشري واحد و اروح بيه... المهم روح
بيه للبلاد ,, جابه للجماعة حطوه في النص ,, و دارو عليه دورة ,, و
يفكرو فيه شنو هوا,, بعد سعتين و الا ثلاث ناض اذكى واحد فيهم على
اساس ,, قاللهم و ربي الكعبة ما يطلع الا غسالة شخاشير

واحد مسطول يزوق في حوشهم , خش عليه بوه قاله فرش جرايد تحتك يا ولدي, قاله عادي يابوي حتى هكي نلحق .؟

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

مره غبي يسأل في خوه:الثعلب يلد ولا يبيض..رد عليه:الثعلب مكار اتوقع منه اي حاجه

مرة واحد عضه كلب ردهاله

واحد يبي يتزوج قال لامه نبيها بيضة وطويلة وتخدم جابتله ثلاجة