نذل يصب لأبوه قهوه قاله بوه شن آخر أخبار النذاله قاله نص القهوه ديتول….

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.

واحد بنا حوشه بشكل دائري باش مرته ما تقولش حابسني بين أربع حيوط.

الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

سكــرا صلى بروحه فاتته ركــــــعة

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.

مره غبيه لقت في بطاقة راجلها مكتوب (رجل أعمال) مسحتها وكتبت راجل خيريه

بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.

واحد يحلق لحيته ! شرين (دق الجرس) الباب جرح روحه بالشفره..علالالالالاش ؟ باش يعرف وين وصل بالحلاقه

واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها

الأول: اعلاش القطار مهم ؟ الثاني : لأن تحته خطين

الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.

قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه

مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب

في واحد امشي للعيادة عنده سن فيه سوسة امشي قال لي الدكتور و النبي
نحيهم كلهم و خليه هوا بروحه زي الكــلب

خانب خش لحوش ولما بدا يخنب فاق بيه مولى الحوش ومرته .. الخانب جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدا يخنب .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش خيرك تضحك؟ .. الزوج : اسكتي .. من أمبكري نطلع في رجلي منالدورة وهوا مش زابطني

طالب طلع من الاختبار أول واحد اعلاش ؟ على خاطر بوه قاله نبيك تطلع الأول.

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار