صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف
الصعيدى : و لو الضيف مات من أول طلقة نكمل برضه ؟؟!!

سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة

مرة واحد احول بابه كان راجع من السفر راح باس الشنطة وشال ابوه

بلدياتنا جامدين
قاموا زوروا ورقة ب 18 جنيه,
!واحد فيهم نزل يجربها في بلدياتهم على أول الشارع
وبيقوله:مساء الخير يا بوي, ألاجيش معاك فكة 18 جنيه؟
قاله:حظك يا ولد معايا أخر تسعتين!!!

سأل الاستاذ الطالب: ما هو الشي الذي لونه اسود و اصفر و ينزل عسل؟؟
اجاب الطالب أتوبيس مدرسة البنات

مره واحد معاه فيات قديمه ماشى بيها على الصحراوى عطلت منه,
فقام شاور لعربيه على الطريق طلع صاحبها واد روش معاه مرسيدس
فقام قاله: بص يا عمو أنا هجرك لحد الرست, و بعدين صلح عربيتك! بس لو لقيتنى سرعت رعشلى نور.
ربطوا العربيه وطلعوا, قامت عربيه بى ام عدت صاروخ من جنبهم, راح الواد بتاع المرسيدس فاتح وراه! وبتاع الفيات شغال يرعش نور للمرسيدس ولا هو هنا!
فالرادار صورهم ، ظابط المرور راح متصل بالكمين وقال لهم: هتعدى عليكوا عربيتين واحده مرسيدس! و بى ام! سيبوهم!!! و هاتوا الكلب بتاع الفيات اللى بيرعشلهم وعايز يعدى منهم

تعريف الزغروته

.
.
.
.
.
.
.
.
.
.
.
.

هو صوت مزعج يصدر عن الإناث تعبيرا عن الفرحة
وذلك بإطلاق صرخة تدعى "لولولولولولولى"
مع تحريك اللسان من اليمين إلى اليسار
في سرعة 30 لفة في الثانية الواحدة
اي ما يعادل سرعة طيارة حربية نفاثة

صعيدي قالوله بكره عيد الحب
قال : يوووه ايه الورطة دى! وده صلاته ازاي ؟

في خروف عليه خط أحمر لييييييييييييييييييييييييييييييه ؟قليل الدسم

مرة صورصار دخل سوبر ماركت خرج فرحان اوى ليه عشان شاف اسمه على علبة ريد!
قال للدرجاتى انا بقيت مشهور

واحد بلدياتنا نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت.

صعيدي واقف مع دوده في الشمس ليه؟؟؟؟الطبيب قال له اعد في الشمس دقائق معدوده

مرة واحد صعيدي ساعته كانت وقفة جاب لها كرسي،مرة واحد كان رايح السينما لقى مكتوب ممنوع دخول أقل من 18 راح جاب 17 واحد،مرة واحد في الامتحان قالوا له أكتب 11كتب 1 تحير يكتب ال1 الثاني على اليمين أو اليسار،مرة واحد اشترى موبيلين واحد له و واحد لمراته دخل الحمام واتصل بمراته و قال لها ازيك يا حبيبتي قالت له ازيك يا حبيبي قال لها أنا جاي دلوقتي قالت له لا تأتي جوزي في الحمام

واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح ... قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك

واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة .

في واحد عايز ينتحر رمى نفسه قدام عربيه زعق عليه صاحب العربيه بتعمل كدا ليه رد عليه عايز انتحر قال طيب ماتطلع اي عماره وتنط قال ياسلاااام عايزني امووت

ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه يذعقو : المنشار ، المنشار ، المنشار قالهم بايظ مايشتغلش

الأشياء الموجودة في شنط الستات حسب الجنسية:

الفرنسية: مرطب شفايف, كريم يدين, لبان, واقي شمس!
اليابانية: علبة مكياج صارخ, موبيل آخر موديل, مفاتيح سياره!
الامريكية: حزمة دولارات, صاعق كهربائي,عطر مركز
المصريـــــه بقه خد عندكـــ::
اوراق مستشفى
روج مالوش غطاء
اربعه جنيه موصلات
قلم كحل صغير مبري من الجهتين
شريط بنادول فاضل فيه حباية
بقايا كيس شبسى في اخر الشنطة
كيس مناديل قديم ومتبهدل و فيه مندلين
محتويات أخرى مجهولة الهوية..جاري التعرف عليها!

واحد عصبي وجعه ضرسه راح للدكتور وقال له اقلع كل ضروسي وخله زي الكـلب لحاله

تم طرح مناقصة لصيانة سور البيت الابيض
تقدم 3مقاولين امريكاني و مكسيكي و مصرى للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة
المسئول رد علية و قالة: ليه يا عم كل ده
رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700

صعيدي راح الحج وسكن في مخيم الحريم ليش ؟؟ لأنه حاج عن امه'

مرة بنت قاعدة عمالة تضحك
سألوها بتضحكي ليه?
قالت: صاحبتي طلبت مني رقم حبيبي!
قاموا قالولها: طيب وايه الي يضحك في كدة؟
قالتلهم: أعطيتها رقم "أخوها" بقالها 3 ايام بتبعت رسايل حب لأخوها ...

غبى مسكوه بيزور فلوس بيقول للضابط أموت واعرف عرفتوا أزاي ؟
الضابط قاله يا ابن الجزمة هو في ورقة ب65 جنيه

صعيدي فتح محل جواهرجى عمل أول يوم ببلاش .

الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع