ابو العبد راح عالمخفر حتى يبلغ عن مرته اللي صارلها اسبوعين مارجعت عالبيت...
اخذ ابنه الصغير عبد معه
الشرطي سأله : شو هي مواصفات زوجتك؟
رد أبوالعبد : طويلة, شقرا, أمورة, وعيونها خضر.
ولا ابنه عبد بيقاطعه وبيقول : بابا...بابا....هيدي مش مواصفات الماما
سكّته ابو العبد وقال له : اي اسكوت بركي بيجيبولنا واحدة أحلى منها :1: ...!

محشش ليله عرسه مالقى موضوع يحكي فيه قام سأل عروسته هلا اهلك بيعرفو انك هون

أبو العبد عم يشتغل شوفير تكسي،
طلعت معه مدام ... لابسة أسود
سألها أبو العبد: خير إنشالله يا مدام ليش لابسة أسود؟
ردت الحلوة: بعيد عنك... زوجي مات.
قالها أبو العبد: وقديش بدك لتشلحي الأسود؟
قالت الحلوة: 150 دولار، المرحوم غالي...........

ابو العبد كان ماشي بجنازة ام العبد ! و بيضحك !!
ابو صطيف : معقولي يا ابو العبد في حدا بيضحك هيك بجنازة مرتو ؟؟
رد ابو العبد : اي ... مش قليلة صارلي 30 سنة متجوزها وهي اول مرة اعرف رايحة وين

ابو عبد وهو عم ينازع على فراش الموت : أم عبد بدي أطلب منك طلب اخير يا ام عبد قبل ما موت...
ام عبد : طلب يا ابوعبد وتمنى....أنا حاضرة...
ابوعبد : بعد ستة أشهر ما موت بدي منك تتزوجي ابو صطيف
ام عبد : ابو صطيف :؟؟ ما بعلمي انك طول عمرك ما بتحبوا وبتكرهوا لأبوصطيف؟!
ابو عبد : ما مشان هيك بدي ايكي تتزوجيه بعد ما موت..!

احد اخذ مامته عند الدكتور النفسانى فالدكتور قاله: امك تعانى من الوحدة ولازم تتجوز واحد عنده 50 سنة!
لما خرجوا من العيادة مامته قالتله:
لو مالقتش واحد عنده 50 سنة هات اتنين من ابو ال 25 إياهم ....

أبو العبد وابو صطيف كانوا بيوم راجعين بآخر الليل سكرانين وقفهم الشرطي وسأل أبو صطيف: اسمك وعنوانك؟ ابو صطيف : أنا اسمي ابو صطيف، بس ناسي وين ساكن أبو العبد: وأنا اسمي أبو العبد، ساكن بالبيت اللي جنب بيت أبو صطيف.

زلمي عم بحتضر وحوليه اولاده ، بحكيلهن:
الك يا ابني الكبير بعطيك الحارة اللي على شط البحر
الك يا ابني الاوسط بعطيك حارة الجبل
والك يا بنتي بعطيكي عمارات الدير

سمعتهن الممرضة وحكت لمرته - شو باين عليكو ناس اغنياء كثير ...
ضحكت الزوجة وحكتلها - هذا زوجي بوزع جرايد وهذول حارات التوزيع !

اثنين مسيحيين واحد اسمه جورج والثاني اسمه ميشيل تاهوا فى الصحرا وذبحهم الجوع والعطش فجأه لقوا مسجد.
قال ميشيل لجورج:
انا بقول لهم ان اسمي محمد عشان يعطوني أكل ومويه و يكرموني!
جورج قال: لا يا عم. انا بقول اسمي جورج واللي يصير يصير!

شافهم شيخ المسجد وسألهم عن اساميهم قال ميشيل انا اسمي محمد
وجورج قال اسمي جورج.

فقال الشيخ أعطو جورج أي شي ياكله.
وانت يا محمد زي ما تعرف نحن في شهر رمضان !!!

أبو العبد كان راكب دراجة جديدة، التقى بصاحبه أبو صطيف أبو صطيف: مبروك الدراجة الجديدة يا أبو العبد .... وينتا إشتريتها؟ أبو العبد: مبارح وأنا راجع عالبيت بالليل وقفتني واحدة ست كانت راكبة على الدراجة، قامت حطت ثيابها عجنب وقالتلي: قرب يا أبو العبد خود اللي بدك اياه ما تستحي؟ رحت أنا أخدت الدراجة ، قلت لحالي شو بدي أعمل بثيابها؟؟

ام عبد لزوجها ابو عبد : جارنا كل ما طلع وكل ما فات على البيت بيبوس مرته, ايمتى بدك تصير جنتلمان وتعمل مثله...
ابو عبد : قولتك بتوافق....:

'ابو العبد كان عم يسوق الموتوسيكل وعمل حادث
اخدوا على المستشفى
ابو صطيف و شباب قهوة القزاز راحوا يزوروه
ابو صطيف : شو يا ابو العبد كيف صار الحادث ؟
يا خيي ابو صطيف كنت عم سوق الموتوسيكل مبارح بالليل
شفت ضوء موتوسيكلين جايين قدامي
قلت لحالي : خليني مر بينهم
طلع في واحد تالت بالنص ابن الابالسة مطفي ضوه !!

بدك الصحيح والا ابن عمه. مقدمة لكذبة من الحجم العائلي

شو بدك بطول السيرة . جملة محشورة داخل قصة يزيد عدد كلماتها عن 100000000كلمة

وماشفنالك إلا .. . يعني موسيقى تصويرية قوتها 7.9 على مقياس ريختر لقصة سخيفة

وما كذبت خبر .عبارة لنفش العضلات وبداية لكذبة ورسم بطولات ما حصلت إلا بالخيال

انت لسا ما بتعرفني .تقال عندما يشعر المتكلم انه تبهدل وانمسحت بكرامته الارض

الله يستر عليها . تقال بعد نهاية كل قصة تم فيها نشر غسيل جميع بنات الحارة وصديقات بنات الحارة

إشتهيناك تكون معنا . تقال لحرق أعصاب المستمع واذلال شعوره

أنا، لا تواخذني بهالكلمة .مصطلح يهيؤك نفسيا لسماع مسبّة ولكن بطريقة مؤدبة

أنا والله مو فارئة معي .تدل على اهتمام المتكلم حتى الموت بالموضوع

سيدي ما علينا. نهاية الحديث البايخ الذي كان يتكلم فيه على غيره بما لا يخصه

عيّن خير. بعبارة أخرى ….انسى الموضوع

لا يروح فكرك لبعيد . يعني طنّش عن كل البلاوي اللي خبرتك عليها

والله لو عرفان ما كنت تركتك . عبارة لتسفئو منّيّة ببلاش فوء الكمّ اللي أكلو

ﻣﺤﺸﺸﺔ ﻋﺎﻧﺲ
ﻗﺎﻟﺖ ﻳﺎ ﺭﺏ ﺗﺸﺘﻲ ﺍﻟﺪﻧﻴﺎ ﺭﺟﺎﻝ ،،
ﻃﻠﻌﺖ ﻭﺭﺍﻫﺎ ﺷﺎﻓﺖ ﻭﻟﺪ ﺻﻐﻴﺮ ،،
|
|
|
|
|
|
ﻗﺎﻟﺖ ﺍﻟﺤﻤﺪﻟﻠﻪ ﺑﻠﺸﺖ ﺗﻨﻘﻂ

خمس لبنانيين راحو الجامع علشان يصلوا ... في وسط الصلاة واحد منهم عطس قال الحمد لله
رد عليه إلي جنبه يرحمكم الله
قال الثالث ما تحكو في الصلاة...
قال الرابع للمعلومية صلاتكم إنتو التلاتة باطلة
قال الخامس الحمد لله انا ما حكيت شي

أبو العبد كان يعمل امتحان إنكليزي الأستاذ سأله: أبو العبد كيف بتقول لواحد إنكليزي تعى لهون؟ أبو العبد: بسيطة ،أقول come here الأستاذ : برافو أبو العبد، وإسا كيف بتقول له روح لهناك ؟ أبو العبد : بسيطة بروح أنا لهناك وبقول له come here

ابو العبد مرة راح على الدكتور ومعو التحاليل ام اللو الدكتور عنك سرطان وراح تموت كمان 6 اشهر ، راح ابو العبد زعلان وقعد على القهوة فسألوا الاصحاب شومالك يا ابو عبد قاللهم عندي أيدز وراح اموت كمان 6 اشهر ، فصارت كل الناس تكش منو وتحكي بالقصة ، وصل الخبر للدكتور قام سأل ابو العبد : انا قلتلك سرطان وللا ايدز يا ابو العبد؟ فجاوبوا ابو العبد شو يادكتور بدك بعد مااموت كل الحارة تنز دق في ام العبد

ابو صطيف شاف ابو عبد بعد كام يوم من جوازه....قام قله ها شو الاخبار عملت شي.....ابو العبد: لا يا زلمة استحيت اصله اخوها صاحبي الروح بالروح
'

ابو العبد وابو اصطيف وابو عنتر قاعدين بقهوة عمينشدوا بولادهم ........
ابو اصطيف : انا ابني مرة ظل 5 دقائق تحت المي
ابو عنتر : انا ابني مرة ظل 10 دقائق تحت المي
ابو العبد : انا من سنة اخذت ابني عالبحر . نزل تحت المي ولسا لهلق ما طلع ........

مرة ابو العبد كان مسافر عفرنسا . ......... فقلو ابو اصطيف بس بدك تحكي فرنسي بس حط on باخر الكلمة .......................
فراح عا قهوة . وقلو للبائع : لو سمحت عطيني واحد شايون ......... فقلو الفرنسي pardon ......... فقلو ابو العبد لا حارون ................( باردون _ بارد زائد اون)

فى العـيد ..
رح تلاقى نآس غريبـة متعـرفهآش بتسـلم عليك !!
.
.
.

.
.

.
.
.
.
...
.
.
.
.
.

متخـافـش .. :)

هدول صحابـك بس متحمييـن

اليوم قرأت :
رجل أعمال فرنسي أهدى هدية لإبنته بمناسبة يوم ميلادها الـ 22 وهي عبارة عن جزيرة يونانية بقيمة ١١٧ مليون يورو !

متل أبوي تماما !

بتعرفو انا مرة في عيد ميلادي أبوي جابلي رواية " مدينة البهائم " وحكالي اطلعي بالمراي بتحضريها فيديو

أبو العبد كان مرة معزوم على سهرة بقصر واحد مليونير كبير فوق الريح. وكان هالمليونير مربى عندو بمسبح القصر، مختلف أنواع وأشكال التماسيح.

بنص السهرة، عرض المليونير الكبير على المعازيم، مبلغ مليون دولار من المال، ليلي بيقدر يقطع البركة كلها سباحة بين التماسيح اللي مرباهن بالدلال ، او اذا ما بدو مال، تعهد يزوجو بنتو، ست الحسن والجمال.


وفجأة، ما لقى المدعوين الا أبو العبد بينط عالبركة وبيقطعها سباحة من أولها لآخرها بوقت قياسي.

المليونير والمدعوين اندهشوا من شجاعة أبو العبد النادرة، وبلش التصفيق من فجو غميق لأبو العبد اللي حيى بدوره جمعة النا س الساهرة

المليونير تقدم من أبو العبد وهناه وصافحو وشد كتير على ايديه. وخيرو بين انو يسلموا شيك بالمليون دولار أو انو يزوجو بنتو اللي متل القمر

بس ابو العبد من شهامتو اعتذر، وقللو للمليونير، انا منك ما بدي شي مع الشكر، لا بدي المليون تبعك ولا بدي كون عريس بنتك المنتظر. أنا بس بدي اعرف مين هيدا السافل يللي دفشني عالبركة، رح طق يا زلمي من القهر

ابو العبد و ابو صطيف و ابو عمر اعدين بالمشفى بستنوا نسوانهم تيخلفوا !!
المهم و هما ناطرين قام ابو عمر وقال : والله يا شباب مبارح حضرت فيلم عنتر و عبلة !! وبنفس اللحظة اجت الممرة وقالت : مبروك او عمر !! اجاك توم ولد و بنت !!
قام ابو صطيف وقال : والله يا شباب مبارح حضرت مسرحية المشاغبين التلاتة !! و بنفس اللحظو اجت الممرضة وقالت : مبروك عمو ابو صطيف اجاك 3 ولاد مرة وحدة !!
قام ابو العبد وقع على طول و اغمى عليه !! رطضوا الناس عليه ليشوفوا شو صار له !!
شو فيه يا ابو العبد ؟؟ قام ابو العبد وقال : تركوني بحالي ويلي على قامتي !!
مبارح كنت عم بتفرج على فيلم : علي بابا و الاربعين حرامي !!!!
'

'