آل في واحد كان راكب على حصانو و ماشي بالصحرا آم سمع صوت عم يقللو زيح راسك عاليمين بسرعة، آم زاح راسو وفجأة مر سهم محل ما كان حاطط راسو آم قال كنا أكلنا هوا..
آم الصوت قللو لا أكلت هوا ولا شي طالما أنا معك
آم سألو الزلمة مين أنت ؟
آم قللو الصوت أنا عقلك الباطن لا تخاف...
فجأة قللو الصوت زيح راسك عالشمال بسرعة آم زاح راسو و مرق سهم محل ما كان راسو..فأتطلع لورا آم شاف هنود حمر لاحقينو آم قال كنا أكلنا هوا آم قللو الصوت لا أكلت هوا ولا شي طالما أنا معك..
و هيك كل شوي بيقللو الصوت زيح راسك و زيح رجلك و بيمر سهم محلون و بيقللو الزلمة كنا أكلنا هوا .. قللو الصوت لا أكلت هوا ولا شي طالما أنا معك..
وضللوا الهنود الحمر لاحقينو حتى وصل على حافة جبل و حاوطو الهنود الحمر و ما في محل يهرب منو..
آم نزلوا الهنود الحمر من الأحصنة و وقفوا ورا الزعيم تبعون آم قللو الصوت للزلمة شايف هادا الرجال يلي بالصدر؟
قال الزلمة ايه آم قلو الصوت روح بزوء بوجهه
قال الزلمة و بركي زعل؟..آم قللو الصوت ولا يهمك أعمل متل ما عم قلك....
آم راح الزلمة قرب على زعيم الهنود الحمر و بزأ بوجهو..آم قللو الصوت للزلمة هلق أكلت هوا
بواسطة: yahyatindouf